الخميس , 19 أكتوبر 2017
الرئيسية » موضوعات عامة » تعلم التحدث بالانجليزية بطلاقة مع موقع Verbling لتعلم اللغات من ناطقيها

تعلم التحدث بالانجليزية بطلاقة مع موقع Verbling لتعلم اللغات من ناطقيها



Verbling
Verbling

اكتساب مهارات أى لغة ما هو إلا ممارسة بنسبة 99,9% فـ الحل فى تعلم اللغة لازم يكون عملى مش مجرد كورس وتسمع شوية قواعد وتحفظ اللى بتسمعة وخلاص ودة اللى بيعملة موقع Verbling .

– ادخل على الموقع : http://u22u.net/verbling
– بتسجل أكونت جديد ( Free )
– بتختار اللغة الأم بتاعتك واللغة اللى عايز تتعلمها
– بتدخل على الـ Communities من هنا : http://u22u.net/community

هيظهرلك اللى فى الصورة قدامك ده عبارة عن مجموعات تدريب على اللغة الإنجليزية متقسمة 3 مستويات على حسب مستواك الحالى بتختار المجموعة اللى تنضملها .

– لو لسه بتبدئ يبقى Beginner
– لو الإنجليزى بتاعك معقول يبقى Intermediate
– لو متمكن وعايز تحسن من الإنجلش يبقى Advanced

بعد ما بتختار أى مجموعة من دول بيفتحلك Hangout

تحت رعاية Verbling فيها بعض الأشخاص من أكثر من دولة بيتكلموا مع بعض English عن طريق المايك عشان يحسنوا من نطقهم وسمعهم للغة بجانب الجرامر طبعاً إلخ …

هتجيب المايك بتاعك وتدخل تسلم على الناس وتبتدى تشارك بالكلام ومتتكسفش لو لسه مش عارف تتكلم براحتك لأن فى ناس كثير زيك من أسبانيا وهولندا والصين واليابان ودول تانية كثير ، مبيعرفوش ينطقوا جملتين على بعض ، بس بيتعلموا وبيدخلوا يسمعوا كويس لحد ما يبتدوا ينطقوا صح .

الموقع فيه خدمة الدروس المدفوعة عن طريق مدرسين معتمدين من أمريكا وإنجلترا للناس اللى حابة تزود أو تتابع مع مدرس معين ده بيبقى بإشتراك شهرى حوالى 45 دولار فى الشهر من هنا : http://u22u.net/premium

– ملحوظة ده مش ضرورى عشان تحسن من الإنجلش بتاعك معظم الناس اللى موجودة على الـ Communities مش مشتركين فى الخدمة المدفوعة دى ، بس حبيت أوضح للى حابب .

أخر حاجة عايز أقولها إن فعلاً الموضوع ده مش بس بيبتدى يحسن من اللغة بتاعتك بالتدريج لكن كمان بيزود ثقتك فى نفسك وبيخليك تتعامل مع الإنجلش من غير خوف يعنى زيه زى العربى ، لما تتكلم كل يوم ساعة ولا ساعتين على المايك مع أجانب ، هتحس إن اللغة أسهل بكثير مما كنت تتوقع .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.

Follow @LearnEnglish_S